Юновы вольбы до Европского парламенту забезпечіли менше жен в новім функчнім періоді як то было в остатніх пятьох роках. Аналізовав тот тыжденник Politico. Од 1979-го року, коли зачав засідати европарламент, проценто жен ся в тій інштітуції піднимало, но у 2024-ім році тот тренд заставив ся. Лем 38,5 процента евродепутатів – 277 із 719, суть жены, што є менше в поріваню з роком 2019, коли творили жены 40 процент евродепутатів. Што до членства у выборах, хлопи домінують головно у выборах про конштітучны діла, контролю бюджету, дани і загранічны діла. Жены в тых выборах мають під 20 процент. Навспак, жены творять векшыну у выборах про внутрішній рынок, културу і освіту, робітность і соціалны діла, як і про права а рівность жен.

(Медвідь, TASR)