Турецькый презідент Рецеп Таїп Ердоґан у четверь вызвав свого російского колеґу Володимира Путїна, жебы зробив крокы на понижаня напятя на Українї. Зарівно го пожадав, жебы передовжыв договор о вывозї зерна з україньскых чорноморьскых приставів. По телефонатї обидвох лідрів то увела канцеларня турецького презідента. TASR о тім інформує подля справы аґентуры Reuters. Ердоґан цітовав і планы Москвы припоїти штири окупованы области на югу і выходї Україны ку Росії. Турція з тым не є согласна а пожадав Путїна, жебы дав міровым рокованям далшу шанцу, ознамила то канцеларня турецького презідента. Платность договору о вывозї зерна скончіть концём новембра. Передовжыти ю мож з підпоров вшыткых зучастненых боків – Росії, Україны, Турції і OSN, высвітлює аґентура Reuters.

(TASR, Шутіова)