Европска унія (ЕУ) мать потребны інштрументы на то, як принутити Сполучены штаты уступити од грозіня аплікації новых цел проти европскым країнам і перевзяти контролю над Ґренландійов. Увів то еврокомісарь про господарьство Валдіс Домбровскый у дебаті, котру вчера понукла Европска редакція (ENR). Домбровскый в рамках пондільковой (19-го януара) стрічі міністрів фінанцій еврозоны в Бруселі выголосив, же ЕУ мать потрібны інштрументы к диспозіції, але „в тій хвілі ніч не є вырішене“. ЕУ іщi перед договором з Американцями з кінця юла 2025-го року мала приправлены одветны цла у вышці 93 міліард евр на америцькы товары. Тоты цла можуть быти скоро актівованы, як першый крок Унії, у припаді конфлікту з Вашінгтоном. (TASR, Пкф)