Лідры европскых країн удїлили у четверь вечур на самітї ЕУ в Бруселї Українї і Молдавії штатут кандідатьскых країн. З одказом на выражіня председу Европской рады Чарылса Міхела на Твітері о тім інформує справодайця TASR. Европска рада у четверь курто по 20.00г удїлила штатут кандідатьской країны Українї і Молдавії. Много лідрів членьскых країн тоту подїю означіло за ,,історічный момент“ а сіґнал надїї про україньскых людей. Про словацькых новинарїв інформацію зо саміту потвердив і словацькый премєр Едуард Геґер, котрый припомянув, же Словакія од неофіціалного саміту ЕУ  в марцу у Версаілс, де пересаджовала думку кандідатьского штатуту про Україні, ,,перешла довгу путь“, жебы достала вшыткых партнерів з ЕУ ,,на палубу“. Преміер додав, же є то добра справа про Україну, Словакію і цїлу Европу а єднак заблагожелав і Молдавії.

(TASR, Шутіова)