Председа Евопской рады  Доналд Туск повів, же Северна Мацедонія є приправена зачати їднаня о членьстві з Европсков унійов, кедже ся му минулый рік подарило досягнути зо сусідньов Ґреційов догоду дотуляючу ся зміны назвы країны. Туск за інформаціями аґентуры AP то повів в часі навщівы северомацедонской метрополы Скопіє, де ся стрітнув з мацедонскым презідентом Стевом Пендаровкым і премєром Зораном Заєвом. Председа Европской рады додав, же Северна Мацедонія „уробила вшытко“, што ся од ньой очікувало, і вызвав лідрів ЕУ, абы у вопросі отворіня приступовых їднанї приспіли свойов частьов. (TASR, Pkf)