Україньскый презідент Володимир Зеленьскый у своїм реґулярнім вечурнім выступліню в понедільок оцінив меджівладны договоры, котры представителі словацькой і україньской влады в пятніцю підписали в Кошыцях. Пресаґентура TASR о тім інформує подля публікованого відеа на Зеленьскім розрахунку на соціалній сіті X. „Україньска премєрка Юлія Свириденкова предложыла справу о вопросах тыкаючіх ся енерґетікы. По єй навщіві были досягнуты добры договоры зо Словакіов. Єм за то вдячный,” выголосив україньскый презідент. Свириденкова і председа влады СР Роберт Фіцо підписали в Кошыцях договор о сполочній роботі і выміні інформацій в области робочой мобіліты і турістичной мапы тыкаючой ся сполочных проєктів. Міністры обох влад підписали і договор о технічній і фінанчній сполочній сполупраці, протокол о зміні меджівладного договору о гранічных переходах на сполочных штатных граніцях і договор о взаємнім переводі будов призначеных на цілі діпломатічного заступницьтва. (TASR, Пкф)