Реконштрукція катедралы Notre Dame в Парижі іде достаточно скоро, абы єй знову отворіня про навщевників і віруючіх было можне кінцьом рока 2024 – нецілых шість років од нічівого пожару з 15-го апріля 2019-го року, котрый ю спустошыв. Подля аґентуры AP о тім інформували францюзькы уряды. Днесь в підземных просторах перед катедралов была отворена выставка з назвом Notre-Dame de Paris: в сердці будівницькой площадкы. Вступ  є бесплатный і  інтересуючім выставка приближыть реалізуваны роботы на місці і одборны знання і зручности тых, котры на реконштрукції беруть участь. Выставлены там суть і дакотры умелецькы діла з катедралы. (TASR, Pkf)