Ґрузіньскый премєр Іраклі Кобахідзе в понедільок выголосив, же Ґрузія і далше буде намагати ся о вступ до Европской унії наперек рішіню влады заставити приступовы переговоры до 2028-го року. Єдночасно вылучів о тім ділі діскутовати з опозіційов, котра орґанізує противладны протесты, інформує аґентура Reuters. Рішіня перервати приступовы переговоры з Унійов до року 2028 оголосив ґрузіньскый премєр у четверь. Выкликало то силну неволю опозіції, гражданів, і ґрузіньскых діпломатів. Опозіція і гражданы орґанізують одвтогды противладны протесты. Премєр Кобахідзе скоріше в понедільок обвинив опозіцію із „коордінованого насилства“, котрого цільом є подля премєра поваліня конштітучного порядку.

(Медвідь, TASR)