Кітай в намагі спомалити шырїня коронавірусу од суботы дочасно закаже вступ до країны векшынї чуджінцїв враховано тых, котры мають платны віза ці поволїня на бываня. Інформовали о тім у четверь аґентуры AFP i AP з одкликанём ся на кітайске міністерство загранічных дїл.,,Позаставлїня (удїлёваня віз) є дочасным опатрїнём, котрe быв Кітай нученый прияти позераючі на сітуацію пандемії,“ уводить ся у выголошіню міністерства. Выняток будуть мати діпломатічны робітницї. Обчане іншых штатів приходячі до Кітая зо заміром ,,невыгнутных економічных, обходных, научных ці технолоґічных актівіт або з гуманітарных доводів“ зарівно будуть мочі надале жадати о віза, додало міністерство.

(TASR, Шутіова)