Брітаньска Лейбрістічна партія іде за свойов історічно найвекшов перемогов у парламентных вольбах. Выходить то з баданя аґентуры YouGov, подля котрого бы лейбрісты в юловых вольбах выграли з векшым наскоком як в році 1997 під веджіньом Тоні Блаіра. Опозічны лейбрісты того часу веджены Кеіром Стармером бы подля баданя здобыли в 650-членній нижній сеймовні парламенту 422 кресел. Наопак, владна Конзерватівна партія може здобыти найвекшу прогру за попередніх сто років. Подля баданя, котре было роблене на 58 тісяч респондентах, забезпечіла бы собі лем 140 кресел, і то бы быв найвекшый колапс конзерватівців од 1906-го року. Парламентны вольбы у Великобрітанії одбудуть ся 4-го юла.

(Медвідь, TASR)