Лідры членьскых країн ЕУ у четверь в Бруселї підпорили план сполочного накупу і доданя міліона кусів дїлострїлецькой муніції Українї протягом наслїдуючіх 12 місяцїв, інформує о тім TASR подля справы аґентуры AP. План ускореного сполочного накупу муніції схвалили іщі зачатком тыждня міністры загранічных дїл і обраны членьскых країн, шефове влад і штатів му теперь додали політічну підпору. ,,Кедь береме до увагы безпечностны і обранны інтересы вшыткых членьскых країн, вітать Европска рада тот договор о додавцї муніції зем-зем і дїлострїлецькій муніції Українї а в припадї пожадавкы і ракет,“ уводить ся в офіціалнім выголошіню Европской рады.

(TASR, Шутіова)