Презіденты Літвы і Латвії при нагоді віторковой навщівы німецького канцеларя Олафа Шолца у Вілнюсі вызвали на посилніня воєньской присутности НАТО в прибалтіцькых країнах. Інформацію принесла аґентура DPA. В іспаньскім Мадріді кінцьом юна одбуде ся саміт Североатлантічной аліанції, на котрім має вырішыти ся о тім, ці буде в повязаню зо зміненов безпечностнов сітуаційов у Европі, выкликанов російскым нападом на Україну, далше піднимати ся чісло вояків у выходнім крылі НАТО. Подля літовского презідента Ґітанаса Науседа мусить быти саміт НАТО в Мадріді самітом рішінь. Вірить, же ся на саміті подарить доїднати на далшім посилніню обороны країн Прибалтя.

(Медвідь, TASR)