Мадярьска влада, котра є покровительом міру, неналетить на провокації міністра заграничных діл СР Растіслава Качера. Выголосив то в середу мадярьскый штатный секретарь резорту діпломації зодповідный за білатералны односины Тамас Менцзер в реакції на дебату словацького міністра про сервер napunk.dennikn.sk. Інформує о тім справодайця  TASR в Будапещі з одкликаням ся на аґентуру MTI. “Арґументы, котры чуєме од мадярьской влады, суть часто згодны як тоты, котры хоснує кремельска пропаґанда в інформачній войні“, повів окрім іншого Качер в обшырнім розговорі про споминаный сервер. ,,Мадярьска влада фурт буде діяти у звязку з мадярьскыма інтересами, хоче такой приміря і мір, і кедь ся то Растіславові Качерові нелюбить“, реаґував Менцзер.  (TASR, Pkf)