Мадярьско в понедільок крітічно реаґовало на вердікт Европской комісії (ЕК), же на неформалных засіданях орґанізованых мадярьскым председницьтвом в Раді Европской унії (ЕУ) ю будуть заступовати лем высшы урядници – а не еврокомісары. Інформує о тім аґентура Reuters. ‟Европска комісія собі неможе выбрати інштітуції і членьскы країны, з котрыма хоче сполупрацовати,‟ написав на соціалній сіті Х мадярьскый міністер про односины ЕУ Янос Бока. Тыж высловив похыбованя над тым, ці суть вшыткы вердікты ЕК заснованы на політичнім зважіню. (TASR, Pkf)