Депутаты мадярьского парламенту в понедільок вечур схвалили пропозіцію ратіфікації вступу Фінландії до Североатлантічной аліанції. О вступі Швеції до НАТО парламент не вырішовав. З одкликаньом ся на сервер Telex.hu о тім інформує TASR. За пропозіцію голосовало 182 депутатів, шість было проти. Сервер припоминать, же Міністерство загранічных діл Мадярьска передложыло пропозіцію ратіфікації вступу двох шкандінавскых країн парламенту перед веце як вісем місяцями. Шведьскый премєр Улф Крістерссон іщі 23-го марца в Бруселі выголосив, же од Будапешті буде жадати поясніня, чого мадярьскый парламент одкаладать ратіфікацію вступу Швеції до Аліанції.

(Медвідь, TASR)