Мадярьске Народне згромажіня прияло у віторок рішіня, котре подля сервера index.hu може мати вплив і на парламентны вольбы в слідуючім році. Парламент 127-ма голосами посланців владного блоку Fidesz-KDNP вырішыв, же влада може продовжыти стан нужды з причіны войны на Україні, котрый того часу платить до 14-го новембра. Стан нужды теперь буде тырвати до 13-го мая 2026-го року, значіть апрільовы парламентны вольбы бы могли проходити в рамках окремого правного порядку. В стані нужды влада може выдавати декреты, може позаставити уплатньованя дакотрых законів, може одхылити ся од законных установлінь, а може прияти і іншы вынятковы наряджіня.

(Медвідь, TASR)