Науковцї по першый раз обявили у свіжо нападанім снїгу на Антарктідї мікропласты. Дотеперь была їх притомность потверджена в морьскій водї, ледї і людьскій кырви. Выходить то з резултатів штудії опублікованых в часописі The Cryosphere, пише справодайска телевізна станіця Sky News. Науковцї упозорнили на цїлосвітовый розсяг знечіщіня пластами, причім увели, же в єднім літрі розпущеного снїгу ся прємерно находить аж 29 часточок мікропластів. Їх концентрація у взорках снїгу одобратых з околіцї антарктічных закладней але была трираз высша як тот прємер.

(TASR, Шутіова)