В часі конференції на обнову Україны, котра ся одбыла в німецькім Берліні, было підписаных веце як 100 договорів. Ознамила то вчера, то значіть в послідній день конференції, німецька міністерка про розвой Свеня Схулзеова, інформує  о тім аґентура DPA. Обсягом підписаных договорів суть пожычкы про малы подникы, партнерства меджі містами ци школіня, увела Сцгулзеова по боку україньской віцепремєрьскы і міністеркы господарьства Юлії Свириденковой.  Цільом конференції было главні здобыти контакты. Брало на ній участь высше 3000 людей вєдно політичных представителів ци представителів різных подників і меджінародных орґанізацій.  (TASR, Pkf)