Ізраільскый премєр Бенъямін Нетанъягу означів понедількову три годины тырваючу стрічу з міністром загранічных діл США Антоні Блінкеном за „позітівну і веджену в добрім дусі“. Інформовала о тім канцеларія ізраільского премєра, пише аґентура Reuters. Премєр за выголошіньом канцеларії повторив ізраільскый обовязок односно найновішой америцькой пропозіції, яка дотулять ся пропущіня далшых в полоні, причім до увагы взяв безпечностны потребы Ізраіля, на котрых певно тырвать. Ішло о девяту навщіву шефа америцькой діпломації в Ізраілю од початку войны в Пасмі Ґазы. Окрім премєра стрітив ся і з презідентом Їцхаком Герцоґом і міністром обороны Йоавом Ґалантом.

(Медвідь, TASR)