Німецько вчера крітізовало ізраїльскы планы на посилніня контролі над окупованім Западнім берегу Йордану і означіло то за „далшый крок к de facto анексії“. Інформує о тім аґентура AFP. Міністры фінанцій і обороны Ізраїля Бецалел Смотріч і Їсраель Кац в неділю ознамили схваліня опатрінь в рамках котрых собі жыдовскы Ізраїльчане можуть куповати фундушы на Западнім берегу Йордану. Передпокладають одовзданя компетенцій над ставебныма поволінями з Палестиньской самосправы на Ізраїль про осады в частях палестиньскых міст вєдно Геброну. Смотріч увів, же цільом того кроку є преглубити ізраїльскы коріня „у вшыткых реґіонах Ізраїля і поховати думку Палестиньской державы“. Крокы Ізраїля одсудили і міністры закордонных справ Еґіпта, Індонезії, Йорданьска, Катару, Пакістану, Савдской Арабії, Сполученых арабскых еміратів і Турції. (TASR, Пкф)