Німецькый парламент буде слідуючій тыждень першый раз їднати о пропозіції на заказ партії Алтернатіва про Німецько (AfD), котра є означована за крайньо правіцьову, пише аґентура DPA. Подля Марка Вандервіца із Хрістіаньской демократічной унії AfD своїм все роснучім радікалізмом штораз одкрытіше выражать історічно ревізіоністічны позіції. Ініціаторами пропозіції суть подля DPA членове різных партій, належать там членове SPD, CDU, партії Зеленых, лівіцьовой Die Linke, і Здружіня воличів южного Шлезвіцька, котре представлять данійску меншыну. Посланці Бундестаґу хотять досягнути, жебы німецькый конштітучный суд рішыв, ці діятельность AfD є в незгоді з конштітуційов, причім одкликують ся на їй 21-шу статю о пілітічных партіях. Перед судом будуть мусити доказати, же AfD діє проти основного закона державы.

(Медвідь, TASR)