В страху з надходячой ґазовой крізы оголосило нїмецьке місто Гановер выразны ушпорны превентівны крокы. В будовах, котры належать під  справу міста ся пришкыртить куріня а выпне ся освітлїня фасад будов і фонтаны в містї. В умывадлах в містьскых будовах ани в спырхах на плаварнях ці шпортовисках не потече тепла вода. Інформує о тім TASR на основі выголошіня опублікованого на вебовій сторінцї міста. Строгішы правила будуть і на поужываня заряджінь, котры спотребувають енерґію на робочіх місцях, друкарнї бы наприклад мали в што найвекшій мірї з канцеларней одстранити. ,,Цїлём є понижати спотребу енерґії о 15 процент. Є то реакція на недостаток ґазу, котрый представлює велику вызву про самосправы – а звлашть про велике місто як Гановер,” повів староста Беліт Онаі. Місто зрядило крізовый штаб, котрого задачов є глядати можности ушпоры енерґії. ,,Кажда ушпорена кіловатгодина шетрить ґаз в засобниках,“ підкреслив Онаі.

(TASR, Шутіова)