В Чеській републіцї ся од 1. марца зрушать обмеджіня кількости особ на громадных подїях. На тисковій конференції по засїданю влады то в середу ознамив міністер здравотництва Властіміл Валек, інформує о тім справодайскый портал Novinky.cz. Далше уволнёваня превентівных кроків ся мать в Чехії одбыти од 13. марца: буде ся тыкати ношіня респіраторів і повинного тестованя на коронавірус. Валек повів, же од того дня будуть респіраторы надале повинны в містьскім верейнім транспортї а в здравотницкых і соціалных заряджінях. Влада ЧР тыж вырїшыла, же од 13. марца ся скончіть сістем тестованя в здравотницкых і соціалных службах а обчане будуть мати нарок уж лем на єден превентівный PCR тест задарьмо.

(TASR, Шутіова)