Папа Франціск в понедільок інформовав, же пише довго очековане продовжіня ку своїй другій енцікліці з року 2015 з назвов Laudato si. В ній занимав ся старостливостьов о наш „сполочный дім“, значіть о Землю, як і потрібныма кроками в боротьбі проти кліматічной крізы. В енцікліці Папа крітіковав і конзумный способ жывота а неодповідный розвиток, жалив над згіршованьом жывотного оточіня і ґлобалным отепльованьом. Єдночасно людей цілого світа вызвав, жебы „зробили ускорену і цілосвітову акцію“ на охрану Землі. Як вчера інформовав, в продовжіню енціклікы хоче зактуалізовати сучасны проблемы.

(Медвідь, TASR)