В брусельскій централі Североатлантічной аліанції іщі перед юловым самітом у Вільнюс одбуде ся стріча турецькых і шведьскых представителів, котрой цільом є здобыти згоду Турції зо вступом Швеції до НАТО. Інформовав о тім в понедільок ґенералный секретарь Аліанції Єнс Столтенберґ, котрый подля властных слов абсолвовав на тоту тему розговоры і з турецькым презідентом Речепом Таїпом Ердоґаном. На стрічі бы мали брати участь міністры загранічных діл Турції, Швеції і Фінландії, шефове тайных служеб і представителі одповідны за народну безпеку в тых країнах. Дату стрічі Столтенберґ не уточнив. Вступ Швеції до Североатлантічной аліанції блокує Турція і Мадярьско.

(Медвідь, ТASR)