Дальша выміна войновых заятців меджі українсков владов і пророссійскыма сепаратистами бы ся могла зреалізувати до двох місяців, думать намістник українского міністра про дочасны окупованы території і внутрішні выселены особы Ґеорґій Тука. Як позначіла аґентура УНІЯН, перша етапа ся одбыла, 27. децембра 2017. В тот час, українскы уряды пропустили 233 людей, котры были арештованы на основі обвінїня повязане с войнов в Домбасі. Заступцове такзваной самозваной Донецкой народной републикы і Лугатской народной републикы пропустили 73 заятців. На основі аґентуры УНІЯН цілково 3215 Українців было до того часу пропуштеных із арешту, або ся вдало становити місце їх перебываня. Страченых є іші 402 українскых обывателів.
(ТАSR)

Фото: TASR/AP