Польскый премєр Доналд Туск в понедільок на стрічі в Бруселі выголосив, же обходна война із США бы была єдным із найвекшых парадоксів. Вызвав на захованя єдности Европской унії, жебы передыйти незмыселному конфлікту із стратеґічным партнером. Туск на неформалнім саміті лідерів Унії звернув увагу, же ЕУ мусить рішыти серію несподівань з боку Споєных штатів. „Тото є першый реалный тест европской солідарности і єдности в нетіпічній сітуації,“ повів Туск. Діскутовав і з премєрков Данії, котрой країна знайшла ся в складній сітуації. Польскый премєр выголосив, же Унія мусить знати утримати добры односины із Споєныма штатами, але єдночасно собі заховати свою достойность і силу. Европа в тім мусить быти безусловно єднотна, повів Туск.

(Медвідь, TASR)