Полськый премєр Доналд Туск в понедільок оголосив, же пожадать нижню палату парламенту – Сейм, о высловліня довіры своїй владі. Реаґовав тым на перемогу опозічного кандідата Карола Навроцького в неділняйшых презідентьскых вольбах. В телевізнім прояві Туск повів, же пожадать о голосованя о довіру, а так само выразив надію, же буде годен співпрацовати із зволеным презідентом. Покля бы парламент довіру не высловив, Туск буде мусити подати демісію і Сейм буде мати 14 днів на запропонованя нового кандідата на премєра, котрый мусить здобыти довіру надполовичнов векшынов присутных депутатів. Туск в прояві далше повів, же ани на момент не заставить ся у своїй роботі і „в нашій сполочній боротьбі за Польщу, о якій сьме снили на порозі незалежности – слободній, суверенній, безпечній і просперуючій“.

(Медвідь, TASR)