Польща в послідніх днях заевідовала перерываня сіґналу GPS над балтьскым морьом. Подля міністра обороны Владислава Кошіняка-Каміша то повязане головно з актівностями Росії. Польскый міністер реаґовав на часты голошіня маїтелів дронів о перерываню сіґналу GPS  в северній части країны. Проблемы за його словами евідують і далшы країны. „Подля нашых джерел то актівности звязаны з операціями Російской федерації включно проб о саботаж,“ выголосив міністер. Припомянув недавно підписану Балтьску декларацію, котра обовязує прібалтікы, Польщу, Швецію, Німецько, Фінландію і Данію дати колектівну одповідь в припаді огрожіня вод Балтьского моря, загранічных діверзій або саботажи.

(Медвідь, TASR)