Днесь Польща зачінать будовати 168 кілометрів довгый мур на польско-білоруськых граніцях. Подля аґентуры PAP то в понедільок оголосила польска гранічна сторож. Ставебны приправы подля говоркыні сторожи Анны Михалской проходять вже дакілько тыжднів. Одгадує ся, же конштрукція муру на польско-білоруській граніці буде стояти 1,2 міліарды злотых, што є 263 міліонів евр. Мур буде высокый 5,5 метра і до ходу бы мав быти даный в юні. Од минувшого літа польскы граніці з Білоросії пробовали перейти тісячі міґрантів, котры суть головно з Близкого выходу. Міґранты ся з Білоросії намагали дістати до Европской унії і через Літву а далшы країны, котры зазначіли рапідне нароснутя проб о перекрочіня граніці. Западны державы обвинюють з волны міґрації режім Александра Лукашенка, котрый мав міґрантів до Білоросії возити.

(Медвідь, TASR)