Польща хоче выбудовати озброєны силы із потенціалом 500 000 людей, причім ключову роль в тім цілі мають мати резервісты, включно новых такзваных резерв высокой приготовлености. Міністер обороны Владислав Косіняк-Камыш в понедільок інформовав, же 2026-ый рік буде роком резервістів і фундаменталных змін в їх выцвіку і фунґованю, інформує аґентура TASR. Міністер повів, же основов будованя резерв зістає проґрам добровольных маневрів. До їх пілотной фазы од новембра 2025-го року приголосило ся понад 18 000 людей, і выцвік абсолвовало приблизно 16 000. „Безпека почінать каждынм із нас. Мір є даный раз і навсе і потребує силу, котра бы го доказала оборонити,“ выголосив Косіняк-Камыш. Ключовым проєктом є такзвана Armia 500, котра рахує з актівнов і пасівнов резервов і резервов высокой приготовлености. Нова сістема має створити резервы высокой і постоянной приготовлености, причім тоты одділы мають быти способны бойовати до пятьох аж семох днів.

(Медвідь, TASR)