Польскый премєр Доналд Туск і председа канадьской влады Джастін Трудо їднали в понедільок о підпорі експорту україньского зерна до країн третього світа в намазі змірнити протесты фармарів у Европі. Трудо заставив ся у Варшаві на дразі з Україны. Туск по їх стрічі повів, же їднали і о „радікалнім“ підвышіню експорту україньского зерна до біднішых країн, котры го потребують. Польща є за словами Туска „приготовлена ся до того актівно залучіти і співфінанцовати такы актівности“. Крокы ку звекшіню експорту до країн мімо Европской унії бы подля Туска могли принести зліпшіня сітуації про польскых і европскых земледільців, про Україну, і про людей в іншых частях світа, котры чекають на тунє зерно.

(Медвідь, TASR)