Меджі Польщов і Мадярьском почав через вікенд діпломатічный спор з причіны розділных позіцій обидвох країн односно Росії. Словна звада меджі мадярьскыма і польскыма представителями почала по суботняйшім приговорі мадярьского премєра Віктора Орбана на події в Румунії. Орбан в нім крітіковав політіку Европской унії, Западу як цілку і Польщі односно Росії. Обвинив Польщу, же крітікує мадярьскы економічны односины з Російов, но сама з ньов робить бізніс і непрямо од ньой купує ропу. Варшава на то в неділю з гнівом реаґовала і дементовала, жебы робила бізніс із Російов. Державный секретарь польского Міністерства загранічных діл Владислав Бартошевскый єдночано назначів, же Мадярьско бы мало опустити Европску унію і НАТО.

(Медвідь, TASR)