Україньскый презідент Володимир Зеленьскый в неділю по боку чеського презідента Петра Павла під час навщівы Прагы увів, же не вірить в дотриманя трьойдньового приміря, котре выголосив російскый презідент Володимир Путін під час ослав Дня перемогы над фашізмом од 8-го до 11-го мая. Інформує о тім аґентура AFP. Зеленьскый вчера прийшов вєдно зо свойов женов до Прагы на двойдньову навщіву. Україньскый лідер ся стрітнув і з премєром Петром Фіалов і шефами обох парламентных комор. З председничков Посланецькой палаты Маркетов Пекаровов Адамовов ся стрітнув днесь в Палаті і Фіала го привітав в Страковій академії. Подля уряду влады їднали о продовжіню надаваня помочі Україні, чеській мунічній ініціативі, можностях приміря і забезпечіню міру ці залучіня чеськых фірем до обновы країны. (TASR, Pkf)