Урядуючій польскый презідент Анджей Дуда став вітязом недільняйшого другого кола презідентьскых волеб, кедь здобыв 51,03 процента голосів. У понедільок вечур то потвердила польска Державна волебна комісія, інформовала аґентура PAP. Протикандідат Дуды Рафал Тржасковскый здобыв подля офіціалных резултатів 48,97 процента голосів. Волебна участь была 68,18 процента, што є друге найвысше чісло од паду комунізму в Польщі в році 1989. Перемогов Дуды собі конзерватівна владна партія Право і справодливость укріпила свою домінантну політічну позіцію найменше до 2023-го року, коли ся в Польщі одбудуть парламентны вольбы.

(Медвідь, TASR)