Презідент СР Петер Пеллеґріні у четверь одпутовав до естоньского Таліну на стрїчу презідентів ґрупы Араіолос. З партнерами з десятёх членьскых держав Европской унії буде днесь у владній резіденції Stenbocki maja роковати о умелій інтеліґенції і ґлобалній безпечности. ,,Єднов з головных тем, котру естоньскый презідент Алар Каріс зволив про тогорічне засїданя, є область умелой інтеліґенції і єй можной аплікації в праксі з оглядом на выгоды і потенціалны різіка. Выбер той темы одражать притиск Естонії на діґіталізацію головно в штатных службах і в школстві,” приблыжыла презідентьска канцеларня. Додала, же другу часть рокованя жертвують презіденты ґеополітіці і европскій безпечности з оглядом на актуалну сітуацію на Українї, але і в Пасмі Ґазы а на шыршім Близкім выходї.

(TASR, Шутіова)