Російскый презідент Владімір Путін у вівторок повів, же російскы часті тот рік здобыли на Україні уж скоро 5000 кілометрів квадратных теріторії. Москва собі, подля нього, утримує на боїску абсолутну стратеґічну ініціатіву, пише аґентура Reuters. Подля російского презідента ся Українці снажать о атакы глыбоко на теріторії Росії, але ани то не поможе змінити поступ понад три з половинов річного конфлікту. Началник ґенералного штабу армады Валерій Ґерасімов на стрічі знова высловив, же російскы часті „поступують практічно у вшыткых напрямох“. (TASR, Пкф)