Девятьштокова будова на бываня в Києві была в неділю скоро рано засягнута ракетовыма атаками, ознамив подля аґентуры DPA порадця шефа україньского міністерства внутра Антон Геращенко. Дальша ракета допала на двірь матерьской школы в києвськім Шевченковім дістрікті, написав Геращенко на соціалній сіті Телеґрам. Посланець україньского парламенту Олексій Гончаренко повів, же російскы часті выпалили на місто Києв і приляглу область вєдно 14 ракет. Російска ани україньска армада ся к атаку безпосередньо невысловила. (TASR, Pkf)