Румуньскый презідент Клаус Іоганніс в понедільок оголосив, же в середу 12-го фебруара одступить із функції. Підволив ся роснучому тиску своїх крітіків, котры намагали ся досягнути його одкликаня. Абдікація є повязана з рішіньом конштітучного суду, котрый в децембрі ануловав резултаты презідентьскых волеб з причіны нелеґалных засяговань до кампани на соціалных сітях. Функчный період презідента мав закінчіти ся 21-го децембра, но кедьже суд ануловав резултаты першого кола волеб, Іоганніс выголосив, же на посаді зістане до зволіня свого наслідника, о котрім ся буде рішыти в майовых вольбах. Тиск на презідента наслідно роснув і в парламенті, де го правіцьово-популістічны депутаты вецераз пробовали одкликати.

(Медвідь, TASR)