В неділю 28-го децембра в Руськім Керестурі, в Сербії, святочным проґрамом одсвятковали 35-ту річніцю основаня орґанізації Руска матка, членьской орґанізації Світового конґресу Русинів. Інформовала о тім аґентура Рутенпрес. На юбілею были участны і підпредседа влады Автономной покраїны Войводина Томіслав Жіґманов, председа Націоналного совіту Русинів Стеван Самочета, як і секретарь Містной громады в Руськім Керестурі Михайло Пашо. Орґанізація была у 1991-ім році основаючім членом Світового конґресу Русинів, котрый ся втогды першый раз зышов у Меджілабірцях, у втогдышній Чехословакії. У 1995-ім році Руска матка орґанізовала 3-ій Світовый конґрес Русинів, у 2007-ім році сполуорґанізовала конґрес, котрый проходив у Руськім Керестурі і в Петровцях, у Хорватії. Руска матка так само орґанізовала 17-ый Світовый конґрес Русинів у 2023-ім році в Новім Саді. Попередній председа орґанізації Дюра Папуґа быв од 2009-го до 2015 председом Світовой рады Русинів. Теперь веде орґанізацію Михайло Фейса.

(Медвідь, Рутенпрес)