Мадярско дасть літецькый транспорт і здравотну старостливость 19 пораненых з недільняйшого пожару в северомацедоньскім місті Кочані. Подля серверу index.hu то ознамив шеф мадярской діпломації Петер Сзіййарто по конзултаціях зо своїм резортным партнером   Тімчом Муцунскым. Летадло з першыма пораненыма пристало на Меджінароднім летіску Ференца Лісзта в Будапешті днесь о 3.00 год, увів говорця мадярьской захранной службы OMSZ Пал Ґиорфі. При пожарі на діскотеці в місті Кочані на выході Северной Мацедонії вмерло 59 людей і высше 150 было пораных.   Пожар взникнув коло 2.35 год. Молоды навщівници в клубі  поужыли піротехніку, котра очівідно была прічінов пожару стріхы на клубі. Резорт внутра уж передтым інформував, же на місці было в тім часі скоро 1500 людей. (TASR, Pkf)