Словенія може очікувати першых 100 міліонів евр з Фонду солідаріты Европской унії на обнову по заливах до кінця октобра. Фінанції ся поужыють на оправу  верейной інфраштруктуры.  Ознамив то словіньскый міністер про когезію і реґіоналный розвой Александер Євшек. Міністерство уж вытворило меджірезортну робочу ґрупу, котра о фінанції з Фонду солідаріты ЕУ пожадать найпізніше до 27-го октобра. Словенія достане зо споминаного фонду цілково 400 міліонів евр – 100 міліонів евр тот рік а 300 міліонів в року 2024. (TASR, Pkf)