Словіньскый премєр Роберт Ґолоб выголосив, же Словенія є охоча гостити миротворны переговоры меджі Російов і Українов. Порівняв то з історичнов стрічів Путіна і Буша в Словенії в 2001-ім році. Інформували аґентуры STA і TASS. Путін в неділю предложыв зреалізувати переговоры 15-го мая в Істанбулі. Цільом є „рестарт“ діалогу з 2022-го року. Турецькый презідент Ердоган потвердив охоту Турції орґанізувати спомянуты переговоры. Словенія выразила охоту стати неутралным простором про діалог. Цільом є підпорити мірне рішіня конфлікту. (TASR, Pkf)