Америцька влада ознамила дальшый пакунок воєньской помочі про Україну. В рамках продовжуючой підпоры протиофензівы Києва єй додасть зброю і муніцію за 250 міліонів доларів, інформувала о тім аґентура AP. Зброю США дають зо своїх існуючіх засоб. Пакунок помочі буде загорнювати окрім іншого і одміньовачу техніку, ділострілецькы і ракетовы стрілы, саніткы і здравотницьке выбавліня, увело америцьке міністерство заграничных справ.  (TASR, Pkf)