Споєны штаты під веджіньом презідента Доналда Трампа другый раз офіціално одступили од Паріжского договору. Подля Орґанізації Зъєдиненых народів одступліня здобывать платность днесь – точно рік по тім, як Вашінґтон оголосив тот крок ОЗН. Одступліня од договору было єдным із ключовых приобіцянь презідента почас волебной кампани. Выконне наряджіня підписав в день свойой інавґурації 20-го януара 2025-го року. Цільом Паріжского договору, котрый здружує майже вшыткы державы світа, є утримати роснутя ґлобалной теплоты під крітічнов граніцьов. США суть по Кітаю другым найвекшым емітентом скленниковых ґазів на світі, што значіть, же рішаня о одступліню, чім уж Вашінґтон не є вязаный обовязками договору, буде мати важны дослідкы, звертать увагу аґентура DPA.

(Медвідь, TASR)