Російскы і америцькы представителі у віторок стрітили ся в Савдьскій Арабії, жебы почали переговоры о зліпшіню взаємных односин і їднаня о закінчіню войны на Україні, пише аґентура Associated Press. Першы особны переговоры меджі обидвома країнами од початку російской інвазії на Україну проходять нецілый тыждень по телефонаті америцького презідента Доналда Трампа з російскым презідентом Владиміром Путіном. Шеф Білого дому по нім оголосив початок їднань з Кремльом о скінчіню войны. Америцька сторона підкресила, же цільом днешньой стрічі не є почати офіціалны переговоры, але зістити, ці Росія „думать важні“ закінчіня войны на Україні.

(Медвідь, TASR)