Рішіня, котры ослаблюють права мадярьской меншыны в Закарпатьскій области Україны, скомплікують в Мадярьску приниманя рішінь потрібных ку підпорі Україны в слідуючім періоді. В понедільок то в Бруселі повів шеф мадярьской діпломації Петер Сійярто, інформує аґентура MTI. Міністер остро крітіковав, же в попередніх днях у великім чіслі одкликали директорів школ і учітелів мадярьской народности, причім інштітуціям нарядили зняти з будов мадярьскы народны сімболы. За словами мадярьского шефа діпломації Україна як кандідат на членство в Унії мусить решпектовати правила, меджі котрыма є ґаранція прав народностных меншын сполочнов цінностьов і обовязком.

(Медвідь, ТASR)