Мадярьскый міністер загранічных діл і вонкашніх економічных односин Петер Сійярто одышов до Москвы, де має днесь їднати із російскыма представителями. Шефа мадярьской діпломації допроводить чісленна делеґації бізнісменів. Сійярто до Москвы летів із Істанбулу, де турецькый презідент Речеп Таїп Едоґан прияв мадярьского премєра Віктора Орбана. Подля інформацій сервера telex.hu в делеґації суть і представителі мадярьскых енерґетічных ґруп MOL, MVM, як і представителі фармацевтічной фірмы Richter. Сійярто послідній раз навщівив Москву 28-го новембра, коли Орбана прияв російскый презідент Владимір Путін. Окрім іншого втогды діскутовали о тім, же Мадяры мають інтерес вступити до подників у загранічу, котры суть в руках російскых ропных компаній постигнутых америцькыма санкціями.

(Медвідь, TASR)