Мадярьско і Білорусь запропоновали свої теріторії і капаціты про мірны переговоры меджі сторонами воюючіма на Україні. Подля аґентуры МTI о тім в Мінску в понедільок бісідовали на сполочній пресконференції міністры загранічных діл обидвох країн, Петер Сійярто і Сяргей Алєйнік. Подля мадярьского міністра є єдно, де будуть мірны переговоры проходити, лем най ся зорґанізують, бо без комунікації і діпломації война не скінчіть. Шеф мадярьской діпломації повторив, же треба спасати людьскы жывоты, і то ся дасть досягнути лем міром. Свому резортному партнерови подля властных слов вецераз підкреслив, же Мадяры стоять на боці міру.

(Медвідь, TASR)