Высокопоставленый говорця ісламістічного руху Талібан Забігуллаг Муджагід заґратуловав у віторок жытелям Афґаністану ку перемозі, і то лем дакілько годин по тім, як країну по 20-ох роках воєньской інтервенції опустили послідні америцькы вояци. Інформує о тім аґентура AFP. Талібан у віторок взяв контролю над цілым аеропортом в Кабулі по тім, што одлетіло посліднє летадло США, припоминать аґентура. Перед аеропортом іщі все были Афґаньці, котры надіяли ся, же можуть з країны одлетіти. Говорця Талібану выголосив, же хотять мати добры односины зо Споєныма штатами і зо світом.

(Медвідь, TASR)